Сивири: Jenny Hotel и вила Kassandros


 

Сивири е мало место на западниот брег на првиот крак на Халкидики – Касандра. Изграден е во стил на амфитеатар покрај песочниот брег. Познат е по фестивалот Касандра што се одржува тука секоја година во јули и август во античкиот амфитеатар во непосредна близина на местото, па доколку имате желба, може да погледнете дел од содржините.

Морето овде е плитко и чисто и вашите малечки сигурно ќе уживаат. На плажите има повеќе бич-барови во кои може да се освежите. Песокот е ситен и создаден за одбојка или пинг-понг на плажа, воопшто за забава.

Овој пат ви претставуваме две интересни опции каде што може да се сместите.

HOTEL JENNY ***


Сместен среде бујно зеленило, хотелот Jenny се наоѓа на околу 250 метри од плажата во Сивири и на 100 метри од центарот. Располага со отворен базен со посебен дел за деца, сончева тераса со лежалки и чадори и со мало детско игралиште.

Рецепцијата е отворена 24-часа, а во склоп на хотелот на располагање се и ресторан, снек-бар и бар покрај базенот. Достапен е безжичен интернет, како и паркинг.

Собите се со балкони и имаат поглед на градина или на море. Опремени се со тоалет, мини бар, фрижидер и сателитска телевизија.

Услугата е врз база на полупансион со појадок и вечера.

VILLA KASSANDROS

Се наоѓа во мирниот дел од Сивири на околу 70 метри од плажата и на околу 200 метри од центарот на Сивири. Идеална е за семеен одмор со мали деца.

Во склоп на објектот се апартмани за 3 или 4 лица, кои имаат спална соба со француски лежај и одвоен простор за дневен престој со кујна, како и тоалет со туш-кабина.

Во делот за дневен престој има еден тросед на извлекување на кој може да спијат две лица. Кујната има мини шпорет со рерна и фрижидер. Употребата на клима-уред е бесплатна, а има и телевизор.

 

Вилата располага и со двор, како и со паркинг-простор.

Зошто Сивири?
 
Освен што е супер избор за семеен одмор со мали деца, локацијата е одлична и доколку сакате да прошетате. На западната страна на Касандра може да ги посетите Фурка, Елани и Посиди. Особено ви го препорачуваме ‘Ртот Посиди, најзападната точка на Касандра. Станува збор за тесен песочен нанос кој навлегува во морето и на крајот се извиткува и се врти наназад. За да уживате максимално во ова искуство потребен ви е ваш чадор, храна и вода. Сместете се токму на крајот од песокот и ќе добиете две плажи и неверојатна глетка. 
Посиди се наоѓа на 15 минути возење, а Фурка и Елани се уште поблиску. На источниот брег, пак, на 13 минути возење е Калитеа, на 22 минути -  Афитос и на 24 минути - Полихроно.

 ‘Ртот Посиди