1. Повеќе време за подготовка
Подготовката е клучна. Така велат кога се работи за твојата работа, но кога се работи за твојот одмор, тогаш e уште побитна! Можеш да се подготвиш и спремиш за тоа каде патуваш и да осознаеш кои работи конкретно може да ги правиш на тоа место. Подготовката може да е финансиска – правење подобар буџет во планирањето, информациска – да се запознаеш со каква валута, јазик, култура би се запознал, за да можеш да почнеш порано да се прилагодуваш.

 2. Бенефиции во самото место
Хотелите, бродовите и авио-компаниите сакаат рани резервации. Тие со раните резервации секогаш нудат многу поволности. Бенефициите може да бидат доделување едно екстра ноќевање, плус храна од рестораните, бесплатна екскуризија и слично. 
Резултат со слика за early booking


3. Заштеда
Раните резервации се познати по свoите попусти. Зошто попустот е битен? Затоа што кога веќе ќе стигнеме на дестинацијата наместо да се даваат средствата за самото сместување и пат, парите заштедени од раниот букинг ќе  може да ги потрошите на задоволствата кои ги нудат дестинациите. Доколку не сте заинтересирани тие пари да ги потрошите на одморот, секако на домашниот буџет заштедата би му била добредојдена.


4. Ослободување од грижата
Многу луѓе цела година го планираат одморот, но кога ќе дојде до последната минута тогаш сите работи се интензивираат и стануваат дополнителен стрес. Раните резервации ослободуваат од грижите. Некои почести грижи околу патување и одмор се: дали ќе има место, дали изборот е добар, дали ќе вреди. Раната резервација како што споменавме остава простор за повеќе подготовка, но и пред подготовка. Едноставно планираниот одмор одзема многу грижи, некои луѓе сакаат авантура и несигурност, но раната резервации ви нуди сигурност и многу од грижите кои најчесто ги имаат туристите и патувачите ги снемува. 


5. Одбројување
После раниот букинг сите сме мирни. Саатот отчукува и исчекувањето може да започне! Во темните зимски ноќи потсетувањето дека си резервирал рано секогаш ќе те држи во мисла. Во секој момент ќе си се поблиску до твоето одмарање.